پاکستان پیپلز پارٹی کے رہنما اور پی ایس 105 کے امیدوار سعید غنی نے کراچی میں ایکسپو سینٹر کے باہر دھرنا دے دیا۔
سعید غنی کا کہنا ہے کہ ڈی آر او ایسٹ کے آفس ایکسپو سینٹر کے باہر کھڑا ہوں، مجھے آر او سے ملاقات کی اجازت نہیں مل رہی، میں اپنی شکایت کس کے پاس لے کر جاؤں۔
سعیدغنی نے کہا کہ میں چیف الیکشن کمشنر سے نوٹس لینے کا مطالبہ کرتا ہوں، فون بند ہونے کی وجہ سے کسی سے رابطہ نہیں ہوسکا، میرے حلقے میں غنڈوں نے پولنگ اسٹیشن پر قبضہ کیا ہوا تھا۔
دوسری جانب ملیر کے ڈی آر او آفس میں داخلہ محدود کردیا گیا ہے اور ڈی آر او آفس کو جانے والا راستہ بند کردیا گیا ہے۔
پولیس نے ملیر ڈی آر او آفس جانے والے راستے پر بیرئیر لگا دیے ہیں۔
