استحکامِ پاکستان پارٹی (آئی پی پی) کے رہنما فیاض الحسن چوہان کا کہنا ہے کہ آئی پی پی تقریباً آٹھ کے قریب قومی اسمبلی کی نشستیں جیتے گی، آزاد امیدواروں کی کثیر تعداد الیکشن کے بعد آئی پی پی میں شمولیت اختیار کرے گی۔

آج ٹی وی سے خصوصی گفتگو کرتے ہوئے فیاض الحسن چوہان نے کہا کہ ہمارا 20 سے زائد افراد پر مشتمل پارلیمانی گروپ قومی اسمبلی میں ہوگا۔

فیاض الحسن چوہان نے کہا کہ وزیراعظم بلاول نہیں آصف زرداری بنیں گے۔

انہوں نے کہا کہ ہمارا اتحاد مسلم لیگ ن کے ساتھ ہوگا۔ ن لیگ، آئی پی پی، آزاد امیدوار اور ایم کیو ایم کو وفاق کا حصہ بنائے گی۔

فیاض الحسن نے کہا کہ پنجاب اسمبلی میں 60 فیصد کے قریب آزاد امیدوار مل کر صوبائی حکومت بنائیں گے۔

ان کا کہنا تھا کہ بلاول بھٹو اپوزیشن لیڈر ہوسکتے ہیں پر وزیراعظم نہیں۔