اسلام آباد ہائیکورٹ کا نیا ججز ڈیوٹی روسٹر جاری کردیا گیا، چیف جسٹس کی منظوری سے رجسٹرار آفس نے ججز ڈیوٹی روسٹر جاری کیا۔
ججز ڈیوٹی روسٹر 5 فروری کے بعد تاحکم ثانی جاری رہے گا، آئندہ ہفتے سے اسلام آباد ہائیکورٹ کے 8 ججز مختلف کیسوں کی سماعت کے لیے دستیاب ہوں گے۔
گزشتہ ہفتے رخصت پر گئے اسلام آباد ہائیکورٹ کے جج جسٹس بابرستار کی بھی واپسی ہوگئی۔
آئندہ ہفتے 8 سنگل اور 4 ڈویژن بینچ مختلف کیسوں کی سماعت کریں گے، ٹیکس اور کمرشل معاملات سے متعلق خصوصی ڈویژن بینچ بھی تشکیل دے دیے گئے۔
چیف جسٹس عامر فاروق کی ہدایت پر لارجر بینچ اور خصوصی ڈویژن بینچ بھی دستیاب ہوگا۔
