مریم نفیس ایک نوجوان اداکارہ ہیں جنہوں نے کم وقت میں انڈسٹری میں جگہ بنائی، وہ ہدایت کار و پروڈیوسر امان احمد کے ساتھ 2022 میں شادی کے بندھن میں بندھی تھیں۔ اداکارہ نے حال ہی میں اپنے حو مہر سے متعلق ایک حیران کن انکشاف کیا ۔
ایک انٹرٹیبنمنٹ سائٹ کو دیے گئے انٹرویو میں مریم نفیس نے اپنے کیرئیر ،سرگرمیوں اور شادی سے متعلق بہت سی باتیں شیئر کی،جنہیں لوگ جاننا چاہتے تھے۔
مریم نفیس کا تعلق اسلام آباد سے ہےاورکام کے سلسلے میں انہیں کراچی آنا پڑا تھا۔ہر ایک کی طرح انہیں بھی اپنا شہر اور وہاں کےلوگ بہت یاد آتے ہیں،یہی وجہ ہے کہ اسلام آباد سے کراچی آنے کا ذکر کر تے ہوئے اداکارہ کی آنکھیں نم ہو گئیں ۔
وہ کہتی ہیں کہ اگرچہ کام کی وجہ سے انہیں کراچی تو آنا پڑا تھا پروہ خودکو ایڈجسٹ نہیں کر پائی تھیں اورشادی کے بعد بھی انہیں کراچی شفٹ ہونا پڑا مگر وہ ابھی تک اسلام آباد کو بہت یاد کرتی ہیں جہاں ان کی فیملی اور پیارے کتے رہتے ہیں۔
اپنے نکاح نامے سے متعلق بات کرتے ہوئے اداکارہ نے کہ نکاح نامے کو پڑھ کر انہیں اپنے طلاق کا حق معلوم ہوا۔ انہوں نے اپنا حق مہر شرعی رکھا تھا جو کہ صرف 2200 روپےتھا۔
مریم نفیس کا کہنا تھاکہ اکثر لوگ مجھ سےمیرا حق مہر زیادہ نہ رکھنے کےمتعلق پوچھتے ہیں مگر میں سمجھتی ہوں کہ مجھے اس کی ضرورت نہیں۔
مریم نفیس اداکارہ ہونے کے ساتھ ساتھ ایک پروڈیوسر اورآرٹسٹ بھی ہیں، وہ سوشل میڈیا پر اکثر سیا سی وسماجی معاملات پربھی اپنی رائے دیتی رہتی ہیں ا ور اس حوالے سے ایک واضح موقف رکھتی ہیں۔
آج کل وہ ایک نجی ڈرامہ سیریل ’جام جہاں‘ میں زینت کا کردار ادا کررہی ہیں ،جسے دیکھنے والوں کی جانب سے کافی پذیرائی مل رہی ہے۔
