اسلام آباد میں نجی یونیورسٹی کی طالبہ سےاجتماعی زیادتی کا واقعہ سامنے آیا ہے، پولیس نے مقدمہ درج کرلیا۔
طالبہ سے زیادتی کا اجتماعی واقعہ وفاقی دارالحکومت کے سیکٹر ای الیون ٹو کے ایک فلیٹ میں پیش آیا۔
پولیس نے متاثرہ طالبہ کی مدعیت میں واقعے کا مقدمہ درج کرلیا ہے۔
طالبہ کی جانب سے مقدمے کے متن میں کہا گیا ہے کہ ساتھی طالب علم ظہیر اور اس کے دوست دانیال نے زیادتی کا نشانہ بنایا۔
طالبہ کے مطابق ملزمان نے ویڈیو بنائی اور شور مچانے پر وائرل کرنے کی دھمکی دی۔
طالبہ کی درخواست پر شالیمار پولیس نے مقدمہ درج کر کے تفتیش کا آغاز کردیا ہے۔
