پنجاب کے بعد سندھ میں بھی تمام تعلیمی ادارے 6 سے 9 فروری تک بند رکھنے کا فیصلہ کیا گیا ہے۔
محکمہ تعلیم سندھ کے مطابق ملک میں عام انتخابات کی وجہ سے صوبے بھر میں 6 سے 9 فروری تک تمام نجی اور سرکاری اسکول، کالج اور جامعات بند رہیں گی۔
محکمہ تعلیم سندھ کا کہنا ہے کہ 5 فروری کو سندھ میں کشمیر ڈے کی تعطیل کا اعلان پہلے ہی کیا جا چکا ہے، تعطیلات کی سمری وزیر اعلیٰ ہاؤس بھیج دی گئی ہے، منظوری کے بعد نوٹیفکیشن جاری کیا جائے گا۔
گزشتہ روز مطابق پنجاب کابینہ نے عام انتخابات کے سلسلے میں تمام اسکول کالجز اور یونیورسٹیز 6 سے 9 فروری تک بند رکھنے کا فیصلہ کیا تھا۔
واضح رہے کہ ملک میں عام انتخابات 8 فروری کو شیڈول ییں جس کے سلسلے میں بھرپور تیاریاں جاری ہیں۔
دوسری جانب سندھ میں نیا تعلیمی سال اپریل کے بجائے اگست سے شروع کرنے کا فیصلہ کرلیا گیا۔
اسٹیرنگ کمیٹی کی سب کمیٹی کی مشاورت پر نیا تعلیمی سال اگست میں شروع ہوگا، آئندہ تعلیمی سال یکم اپریل کے بجائے یکم اگست سے شروع ہوگا۔
اسٹیرنگ کمیٹی کی سب کمیٹی کی مشاورت کے بعد محکمہ اسکول ایجوکیشن سندھ نے نوٹیفکیشن جاری کردیا۔
