کراچی کے علاقے کلفٹن میں تین تلوار پر پی ٹی آئی اور پولیس میں تصادم کا مقدمہ درج کرلیا گیا ہے۔
گزشتہ روز پی ٹی آئی کی ریلی کے دوران تین تلوار پر پولیس اور پی ٹی آئی کارکنان کے درمیان تصادم کا واقعہ پیش آیا تھا۔
پولیس کے مطابق واقعہ کا مقدمہ سرکار کی مدعیت میں فریئر تھانے میں درج کیا گیا ہے۔
پولیس کے مطابق مقدمے میں ہنگامہ آرائی، توڑپھوڑ، اقدام قتل اور دہشت گردی سمیت دیگر دفعات شامل کی گئی ہیں۔
مقدمے میں خرم شیر زمان، فہیم خان، سعید آفریدی اور دیگر کو نامزد کیا گیا ہے۔
