اسلام آباد کی احتساب عدالت میں پاکستان تحریک انصاف کے سابق چیئرمین عمران خان اور ان کی اہلیہ بشریٰ بی بی کے خلاف توشہ خانہ ریفرنس میں استغاثہ کے مزید 3 گواہان کے بیانات قلمبند کرلیے گئے۔
احتساب عدالت کے جج محمد بشیر نے اڈیالہ جیل میں عمران خان اور بشریٰ بی بی کے خلاف توشہ خانہ ریفرنس کی سماعت کی۔
آج کی سماعت میں استغاثہ کے مزید 3 گواہان کے بیانات قلمبند کرلیے گئے جبکہ توشہ خانہ ریفرنس میں مجموعی طور پر 16 گواہان کی شہادت قلمبند کی جا چکی ہے۔
استغاثہ کے مزید گواہان کی شہادت پیر کے روز قلمبند کی جائے گی جبکہ عدالت نے سماعت پیر 29 جنوری تک ملتوی کردی۔
