چیف جسٹس آف پاکستان قاضی فائز عیسیٰ نے پریس ایسوسی اور ہائیکورٹ جرنلسٹ ایسوسی ایشن کے اعلامیے کا نوٹس لے لیا جبکہ عدالت نے ایف آئی اے کی طرف سے صحافیوں کو جاری نوٹسز کا کیس 29 جنوری کو سماعت کے لیے مقرر کر دیا۔
چیف جسٹس قاضی فائز عیسی نے فوری طور پر صدرپریس ایسوسی ایشن آف سپریم کورٹ اور ہائیکورٹ جرنلسٹ ایسوسی ایشن کے صدر کو چیمبر بلا لیا۔
جس کے بعد میاں عقیل افضل ، عمران وسیم ، فیاض محمود کی چیف جسٹس آف پاکستان سے ملاقات ہوئی۔
چیف جسٹس قاضی فائز عیسیٰ نے کہا کہ صحافیوں سے متعلق کیس پیر کو مقرر کررہا ہوں، آپ کی جو گزارشات ہیں، عدالت میں بتائیں۔
دونوں ایسوسی ایشنز نے ایف آٸی اے کی جانب سے صحافیوں کو نوٹس جاری کرنے پر سخت تشویش کا اظہار کیا تھا۔
حکومت کی قائم کردہ جے آئی ٹی نے ججز کی کردارکشی پر نوٹسز جاری کیے تھے، کورٹ رپورٹرز کی تنظیموں نے ایف آئی اے نوٹسز واپس لینے کا مطالبہ کیا تھا۔
