خلائی تحقیق کے امریکی ادارے ناسا نے بتایا ہے کہ ہبل ٹیلی اسکوپ نے نظامِ شمسی سے باہر ایک ایسے سیارے کا سراغ لگایا ہے جس پر پانی بھی پایا جاتا ہے۔
ناسا کے ایک بیان کے مطابق GJ 9827d کا قطر زمین کے قطر سے دگنا ہے۔ یہ سب سے چھوٹا ایگزو پلانیٹ کے جس کی فضا میں پانی کے ذرات پائے۔
ناسا کے ماہرین نے بتایا ہے کہ اس سیارے کا رجہ حرارت 400 سینٹی گریڈ ہے۔ میکس پلانک انسٹیٹیوٹ آف ایسرونومی کی ماہر لارا کریڈبرگ کہتی ہیں غیر معمولی درجہ حرارت کے باوجود یہ نیا سیارہ اپنی خصوصیات کی بنیاد پر توجہ کا مرکز بنا ہے۔
لارا کریڈبرگ کا یہ بھی کہنا ہے کہ اس سیارے کے ذریعے سائنس دانوں کو زمین جیسے سیاروں سے نزدیک تر ہونے کا موقع ملا ہے اور زندگی کی تلاش کسی نتیجے تک پہنچ سکتی ہے۔
ماہرین کا کہنا ہے کہ اس سیارے کے دریافت ہونے سے متعلقہ شعبے کے محققین کی حوصلہ افزائی ہوئی ہے۔ نظام شمسی سے باہر زندگی کی تلاش کے حوالے سے ان کی کوششیں تیز ہوں گی۔
