اسٹیٹ بینک آف پاکستان (ایس بی پی) کی زری پالیسی کمیٹی کا اجلاس 29 جنوری کو ہوگا، اجلاس میں زری پالیسی کے بارے میں فیصلہ کیا جائے گا، گورنر اسٹیٹ بینک اجلاس کے بعد زری پالیسی کا اعلان کریں گے۔

سماجی رابطے کی ویب سائٹ ایکس (ٹوئٹر) پر جاری بیان میں اسٹیٹ بینک آف پاکستان نے کہا کہ اسٹیٹ بینک آف پاکستان کی زری پالیسی کمیٹی پیر 29 جنوری 2024 کو مانیٹری پالیسی پر فیصلہ کرنے کے لیے اجلاس طلب کرے گی۔

گورنر اسٹیٹ بینک جناب جمیل احمد زری پالیسی کے فیصلے کا اعلان کریں گے۔

گورنر اسٹیٹ بینک جناب جمیل احمد ایم پی سی اجلاس کے بعد پالیسی کی افادیت بتانے کے لیے ایک پریس کانفرنس کے دوران باضابطہ اعلان کریں گے۔