وزارت بین الصوبائی رابطہ کمیٹی نے نگراں وزیراعلیٰ پنجاب محسن نقوی کو پی سی بی گورننگ بورڈ کا حصہ بنانے اور ذکاء اشرف کا استعفیٰ مںظور کرنے کا نوٹیفکیشن جاری کر دیا۔
محسن نقوی کی پی سی بی کے ممبر گورننگ بورڈ تقرری کا نوٹیفکیشن جاری کردیا گیا، وزارت بین الصوبائی رابطہ نے محسن نقوی کی نامزدگی کا نوٹیفکیشن جاری کیا۔
نگراں وزیراعظم انوار الحق کاکڑ نے پی سی بی آئین 2014 کے آرٹیکل 10 ون ڈی کے تحت تقرری کی۔
نگراں وزیراعظم کی جانب سے ذکاء اشرف کا استفعی منظور کرنے کا نوٹیفکیشن بھی جاری کردیا گیا۔
ذرائع کے مطابق نگراں وزیراعظم کی جانب سے محسن نقوی کو عہدہ سنبھالنے کی ہدایت کی گئی ہے جبکہ نگراں وزیراعلیٰ پنجاب کو ابتدائی طور پر پی سی بی بورڈ آف گورنرز کی تشکیل نو کا ٹاسک دیا گیا ہے۔
ذرائع کا کہنا ہے کہ بی او جی کی تشکیل نو کے بعد چیئرمین پی سی بی کا انتخاب کیا جائے گا، موجودہ مینجمنٹ کمیٹی میں پیٹرن کے نامزد دوسرے ممبر بی او جی مصطفی رمدے سمیت 9 ارکان شامل ہیں۔
پی سی بی آئین 2014 کے مطابق مستقل چیئرمین کی تقرری 3 سال کے لیے کی جاتی ہے، پی سی بی بورڈ آف گورنرز میں 4 ریجنز اور 4 اداروں کے ممبران شامل ہوتے ہیں، بی او جی میں پیٹرن ان چیف کی جانب سے نامزہ 2 ممبرز بھی شامل کیے جاتے ہیں، پی سی بی بورڈ آف گورنرز میں وزارت آئی پی سی کا ایک نمائندہ بھی شامل ہوتا ہے۔
ذکا اشرف کے مستعفی ہونے کے بعدقائم مقام چیئرمین پی سی بی منیجمنٹکمیٹی کا نام سامنے آگیا
