پاکستان تحریک انصاف سابق چیئرمین عمران خان کے وکیل بیرسٹر علی ظفر نے کہا ہے کہ سابق وزیراعظم نے پی ٹی آئی امیدواروں کو باہر نکل کر مہم چلانے کی ہدایت کی ہے۔
بیرسٹر علی ظفر نے اڈیالہ جیل کے باہر میڈیا سے گفتگو کرتے ہوئے کہا ہے کہ بانی پی ٹی آئی نے اہم پیغام دیا ہے، عمران خان نے کہا ہے، الیکشن رزلٹ میں پی ٹی آئی جیتے گی۔
بیرسٹر علی ظفر نے بتایا کہ عمران خان نے اپنے پیغام میں کہا کہ عوام کو آزادی اور قانون کی حکمرانی کے لئے لڑنا ہے۔
علی ظفر نے مزید کہا کہ خان صاحب نے کہا ہے کہ اتوار کو سارے امیدوار باہر نکل کر اوپن مہم کا آغاز کریں، عوام اپنی آزادی کےلئے پی ٹی آئی امیدواروں کو ووٹ کرے۔
علی ظفر کے مطابق عمران خان نے کہا ہے کہ جب حکومت بنائیں گے تو قانون کی بالا دستی اور حکمرانی کے لیے کام کریں گے۔
