پاکستان تحریک انصاف کی گرفتار رہنما ڈاکٹر یاسمین راشد نے ”پرنانی“ بننے پر خوشی کا اظہار کیا ہے۔
لاہور انسداد دہشت گردی عدالت میں پیشی کے موقع پر ڈاکٹر یاسمین راشد نے صحافیوں سے غیر رسمی گفتگو کرتے ہوئے کہا کہ میرے پاس آپ کیلئے ایک خبر ہے، میں پرنانی بن گئی ہوں۔
انہوں نے بتایا کہ میری نواسی کے گھر بیٹا پیدا ہوا۔
جس پر اعجاز چوہدری اور دیگر صحافیوں نے ڈاکٹر یاسمین راشد کو مبارک باد دی۔
یاسمین راشد نے کہا کہ میں گائنی کی ڈاکٹر ہوں، مجھے اپنی نواسی کے پاس ہونا چاہیے تھا مگر میں گرفتار ہوں، اس کے باجود آج میں بہت زیادہ خوش ہوں۔
