چیئرمین پاکستان علماء کونسل مولانا طاہر محمود اشرفی کا کہنا ہے کہ 26 جنوری کو ملک بھر میں نماز استسقاء ادا کی جائے گی۔

مولانا طاہر اشرفی نے اسلام آباد میں نیوز کانفرنس کرتے ہوئے کہا کہ قومی قیادت کے فیصلوں کو دنیا بھر میں سراہا گیا، بی ایل اے اور بی ایل ایف کے ٹھکانوں کو نشانہ بنایا گیا۔

ایران میں کی گئی پاکستانی اسٹرائیک میں مارے گئے دہشتگردوں کی ہوشرُبا تفصیلات منظر عام پر

مولانا طاہر اشرفی کا کہنا تھا کہ پاکستان میں خشک سالی کے باعث مسائل کا سامنا ہے، بارش نہ ہونے کے باعث موسم کے منفی اثرات بڑھ گئے ہیں، اس لیے 26 جنوری کو ملک بھر میں نماز استسقاء ادا کی جائے گی۔

ان کا مزید کہنا تھا کہ پاکستان اور ایران معاملے پر قومی عسکری و سول قیادت نے اہم فیصلے کیے، پاکستان اپنے دفاع کے اعتبار سے ایک مضبوط ملک ہے، اپنی سرحدوں کی سلامتی پر کوئی سمجھوتہ نہیں کیا جائے گا۔