آج صوبہ سندھ کے بیشتر اضلاع میں موسم سرد اور خشک رہے گا، جبکہ جیکب آباد، حیدرآباد، موہنجوداڑو، سکھر، لاڑکانہ، دادو، گھوٹکی، خیر پور، کشمور اور پڈعیدن میں دھند اور سموگ چھائے رہنے کا امکان ہے، تاہم رات کے اوقات میں کراچی میں بونداباندی ہو سکتی ہے۔
محکمہ موسمیات کے مطابق اتوار کراچی میں ہلکی سردی کے ساتھ موسم مرطوب ہے، جبکہ گزشتہ رات کم سے کم درجہ حرارت 15 ڈگری سینٹی گریڈ ریکارڈ ہوا۔
محکمہ موسمیات کا کہنا ہے کہ کراچی کا زیادہ سے زیادہ درجہ حرارت آج 26 سے 28 ڈگری سینٹی گریڈ جانے کا امکان ہے۔
کراچی کی ہوا میں نمی کا تناسب 79 فیصد ہے، خشک ہوائیں شمال مشرق سے 7 کلومیٹر فی گھنٹہ کی رفتار سے چل رہی ہیں۔
