اسرائیلی فوجیوں نے غزہ کے خلاف انتہائی سفاکی کا مظاہرہ کرنے میں کوئی کسر اٹھا نہی رکھی۔ صہیونی فوج نے اعتراف کیا ہے کہ اس نے غزہ میں فلسطینیوں کی قبریں بھی کھود ڈالی ہیں۔

اسرائیلی فوج کے ایک ترجمان نے امریکی میڈیا آؤٹ لیٹ این بی سی کو بتایا کہ قبروں کو محض یہ دیکھنے کے لیے کھودا گیا کہ کہیں ان میں اسرائیلی یرغمالیوں کو تو نہیں دفنایا گیا۔

ترجمان کے مطابق جب بھی اسرائیلی یرغمالیوں کے ممکنہ مدفن سے متعلق معلومات حاصل ہوتی ہیں تب اسرائیلی فوج فوری کارروائی کرتی ہے۔

غزہ میں متعدد قبرستانوں میں قبروں کے کھودے جانے کی اطلاعات موصول ہوئی ہیں۔ یہ معلوم ہوا ہے کہ اسرائیلی فوجیوں نے بہت سے فلسطینیوں کی قبریں کھودنے کے بعد باقیات کو باہر ہی چھوڑ دیا۔