الیکشن کمیشن سندھ نے بلدیاتی نمائندوں کے الیکشن مہم میں حصہ لینے پر پابندی عائد کردی .
صوبائی الیکشن کمیشن نے میئر، ڈپٹی میئراوربلدیاتی نمائندوں کی انتخابی مہم میں شرکت کانوٹس لیتے ہوئے اس حوالے سے نوٹیفکیشن جاری کردیا ہے۔
نوٹیفکیشن کے مطابق مختلف شہروں میں میئرز، ڈپٹی میئرز، ضلع، میونسپل، ٹاؤن اور یوسی چیئرمین کے انتخابی مہم چلانے کی شکایات ملی ہیں جو الیکشن ایکٹ کی خلاف ورزی ہے۔
جوائنٹ الیکشن کمشنر سندھ کی جانب سے ریجنل ریجنل الیکشن کمشنر کو ارسال کیے جانے والے مراسلے میں ایکشن لینے کی ہدایت کی گئی ہے۔
مراسلے کے مطابق میئر، ڈپٹی میئر، بلدیاتی نمائندے انتخابی مہم میں شرکت کررہے ہیں جو کہ سرکاری وسائل کے استعمال سے متعلق ضابطہ اخلاق کے پیرا 18 خلاف ورزی ہے۔
مراسلے میں مزید کہا گیا ہے کہ انتخابی ضابطہ اخلاق کی خلاف ورزی پر نظر رکھی جائے اور کسی بھی خلاف ورزی کے ثبوت کارروائی کے لیے سندھ مانیٹرنگ کوآرڈینیٹر کے دفتربھیجے جائیں۔
جوائنٹ الیکشن کمشنرسندھ کی جانب سے یہ مراسلہریجنل مانیٹرنگ کوآرڈینیٹرز اور ڈسٹرکٹ مانیٹرنگ افسران کو بھی ارسال کیا گیا ہے۔
