پی ٹی آئی بلے کا انتخابی نشان لینے میں ناکام ہوئی تو ”ہم عوام پاکستان پارٹی“ نے عام انتخابات کیلئے بلے کا نشان مانگ لیا ہے۔
ہم عوام پاکستان پارٹی نے ایک اور درخواست الیکشن کمیشن میں جمع کرا دی ہے۔
درخواست میں کہا گیا ہے کہ بلے کے نشان سے متعلق ہماری درخواست التوا کا شکار ہے، الیکشن کمیشن اب ہمیں بلے کا نشان الاٹ کردے۔
درخواست کے مطابق 28 دسمبر کو الیکشن کمشین نے ہمیں خط لکھا کہ بلے کا کیس زیر سماعت ہے، سپریم کورٹ نے اب پی ٹی آئی انٹرا پارٹی کیس نمٹا دیا ہے۔
ہم عوام پاکستان پارٹی نے اپنی درخواست میں مزید کہا کہ بلے کے نشان سے متعلق ہماری درخواست التوا کا شکار ہے، الیکشن کمیشن اب ہمیں بلے کا نشان الاٹ کردے۔
واضح رہے کہ ہفتے کو سپریم کورٹ آف پاکستان نے پشاور ہائیکورٹ کا فیصلہ کالعدم قرار دیتے ہوئے پاکستان تحریک انصاف (پی ٹی آئی) سے بلے کا انتخابی نشان واپس لے لیا۔
سپریم کورٹ نے پاکستان تحریک انصاف (پی ٹی آئی) کے انٹرا پارٹی انتخابات اور بلے کے انتخابی نشان سے متعلق پشاور ہائیکورٹ کے فیصلے کے خلاف الیکشن کمیشن کی اپیل پر سماعت کرتے ہوئے اہم فیصلہ سنایا تھا۔
