پاور ڈویژن کے ترجمان نے کہا ہے کہ ڈسٹری بیوشن کمپنیوں کو فوج کے حوالے کرنے کی خبروں میں صداقت نہیں ہے۔
ترجمان کے مطابق ڈسکوز کے انتظام میں کوئی تبدیلی نہیں کی جا رہی، ڈسکوز کو کسی دوسرے ادارے کے حوالے نہیں کیا جارہا۔
واضح رہے کہ 9 جنوری کو یہ خبر میڈیا پر چلی تھی کہ حکومت نے خسارے میں چلنے والی 5 پاور ڈسٹری بیوشن کمپنیوں کے لیے پاک فوج کے حاضر افسران کی سربراہی میں پرفارمنس مینجمنٹ یونٹس (پی ایم یوز) کے قیام کا فیصلہ کیا ہے۔
نگراں وزیر توانائی و پٹرولیم کے قریبی ذرائع نے دعویٰ کیا تھا کہ وفاقی کابینہ خسارے میں چلنے والی پانچ پاور ڈسٹری بیوشن کمپنیوں (ڈسکوز) میں پاک فوج کے حاضر سروس بریگیڈیئر کی سربراہی میں پرفارمنس مینجمنٹ یونٹس (پی ایم یوز) کے قیام کی منظوری دینے کے لیے تیار ہے۔ تاہم اب پاور ڈویژن نے ڈسٹری بیوشن کمپنیوں کو فوج کے حوالے کرنے کی خبروں کی مسترد کردیا ہے۔
