بلوچستان نیشنل پارٹی (مینگل) کے سربراہ سردار اختر مینگل کے کاغذات نامزدگی کی منظوری کے خلاف درخواست پر بلوچستان ہائیکورٹ نے فیصلہ منظور کرلیا۔
آئینی درخواست پر سماعت جسٹس روزی خان بڑیچ اور جسٹس اعجاز سواتی نے کی۔
درخواست گزار کے وکیل نے کہاکہ سردار اختر مینگل ایف آئی آر میں نامزد ہیں۔
عدالت نے سردار اختر مینگل کے کاغذات نامزدگی منظوری کیخلاف فیصلہ محفوظ کرلیا۔
ہائیکورٹ نے جمال خان رئیسانی کیس کل تک ملتوی کردیا جب کہ مسلم لیگ ن کے امیدوار فالق جمالی کی اپیل ہائی کورٹ میں بھی مسترد کردی گئی۔
دوسری جانب اختر مینگل کے خلاف درخواست دائر کرنے والے جھالاوان عوامی پینل کے مرکزی رہنماؤں نے ہائیکورٹ میں پریس کانفرنس کی۔
این اے 256 خضدار اور پی بی وڈھ 20 سے نامزد امیدوار میر یاسر احمد مینگل کے ساتھ پریس کانفرنس میں کوئٹہ حلقہ پی بی 46 سے نامزد امیدوار ندیم الرحمن بلوچ بھی موجود تھے۔
جھالاوان عوامی پینل کے رہنماؤں کا کہنا تھاکہ اقامہ ہولڈر سردار نے آئین کے آرٹیکل 62 اور 63 کی خلاف ورزی کی ہے، وہ الیکشن لڑنے کے اہل نہیں ہیں جب کہ ایک اور کیس میں بھی اختر مینگل اشتہاری ہیں۔
