وزارتِ مذہبی امور نے حج کی غیر قانونی بکنگ میں ملوث کمپنیوں کے خلاف ایکشن لیتے ہوئے فراڈ میں ملوث کمپنی کے خلاف قانونی کارروائی کا آغاز کر دیا۔
وزارت مذہبی امور نے ایک شکایت پر ایکشن لیتے ہوئے فراڈ کرنے والی کمپنی ’‘ ففتھ پلر فیملی تکافل لمیٹڈ’’ کے خلاف قانونی کارروائی کا آغاز کر دیا۔
وقاقی تحقیقاتی ادارے (ایف آئی اے) نے مذکورہ کمپنی کے خلاف انکوائری شروع کردی ہے۔
وزارت نے واضح کیا کہ کسی تکافل کمپنی کو حج و عمرہ کی بکنگ کی اجازت نہیں دی گئی ہے۔
عوام الناس ففتھ پلر تکافل جیسی کمپنیوں سے آگاہ رہیں اور حج، عمرہ کی بکنگ سے قبل کمپنی کے کوائف وزارت کی ویب سائٹ پر ضرور چیک کریں۔
