پکوانوں اور سلاد میں استعمال ہونے والا ٹماٹر چہرے کی جلد کیلئے بھی کئی طرح سے مفید ہے۔ یہ جلد کے مہاسوں کا بہترین علاج ہے۔
ٹماٹر میں موجود اینٹی بیکٹیریل اور اینٹی فنگل خصوصیات اسے ایک بہترین آپشن بناتی ہیں۔ یہ چہرے کی جلد پر اپنا جادوئی اثر چھوڑتا ہے۔
کم از کم ہفتے میں ایک بار ٹماٹر کو اپنی اسکن کیئر کے معمول میں شامل کرنا مہاسوں کو نہ صرف دور کرتا ہے بلکہ جلد کو تازگی بھی بخشتا ہے۔
جلد پر موجود مہاسوں سے چھٹکارا حاصل کرنے کیلئے ایک تازہ سرخ ٹماٹر کے گودے کو چہرے پرایک گھنٹے کیلئے لگائیں اور نیم گرم پانی سے دھو لیں۔
ٹماٹر کو دہی کے ساتھ ملا کر ماسک کی صورت میں بھی چہرے پر لگایا جاسکتا ہے۔
اس کیلئے آدھے ٹماٹر کو کاٹ کر اس کا گودا دو چمچ دہی میں اچھی طرح ملائیں، 20 منٹ تک لگانے کے بعد اسے نیم گرم پانی سے دھولیں۔
