ایپلٹ ٹربیونل نے ریٹرنگ آفیسر کا فیصلہ کالعدم قرار دیتے ہوئے، عثمان ڈار کی والدہ ریحانہ امتیاز کے قومی اسمبلی کہ حلقہ این اے 71 سے کاغذاتِ نامزدگی منظور کرنے کے احکامات جاری کر دیے ہیں۔
اس سے قبل 30 دسمبر 2023 کو سیالکوٹ کے حلقہ این اے 71 سے عثمان ڈار کی والدہ ریحانہ امتیاز کے کاغذات نامزدگی مسترد کر دیئے گئے تھے۔
کاغذاتِ نامزدگی مسترد ہونے کی وجہ سے متعلق کہا جا رہا تھا کہ ریٹرنگ افسر نے کاغذات میں سوشل سکیورٹی واجبات کی عدم ادائیگی اور اثاثے ظاہر نہ کرنے پر مسترد کیے تھے۔
’والد پرالزام کی سزا بچوں کو نہیں دی جاسکتی‘، ذوالفقار مرزا کے بیٹوں کے کاغذات منظور
خیال رہے کہ این اے 71 میں خواجہ آصف کا مقابلہ تحریک انصاف کے سابق رہنما عثمان ڈار سے ہوتا تھا، تاہم اس مرتبہ عثمان ڈار کی والدہ نے سابق وزیر دفاع خواجہ آصف کے مقابلے پر انتخابات میں حصہ لینے کا اعلان کر رکھا ہے۔
