پاکستان کرکٹ ٹیم کے سابق کپتان وسیم اکرم نے تنقید کرنے والے صارف کو آڑے ہاتھوں لے لیا۔
سوئنگ کے سلطان وسیم اکرم ان دِنوں اپنی فیملی کے ہمراہ آسٹریلیا میں موجود ہیں، جہاں سے وہ تصاویر اپنے سوشل میڈیا اکاؤنٹ انسٹاگرام پر شیئر کرتے رہتے ہیں۔
حال ہی میں انہوں نے سڈنی کے موسم سے لطف اندوز ہوتے ہوئے اپنی ایک تصویر انسٹاگرام پر شیئر کی تھی۔
انہوں نے تصویر شیئر کرتے ہوئے لکھا کہ ’مارننگ، سڈنی میں ایک خوبصورت دن‘۔
سابق کرکٹر کو اس پوسٹ پرایک صارف نے جب ٹرول کیا تو انہوں نے اس پر برہمی کا اظہار کردیا۔
صارف نے وسیم اکرم پر تنقید کرتے ہوئے نامناسب لب ولہجہ اختیار کرتے ہوئے کہا کہ ’بغل کے بال کاٹ لیں‘۔ اس پر وسیم اکرم نے صارف کو آڑے ہاتھوں لیتے ہوئے کہا کہ ’دنیا چاند پر پہنچ چکی ہے اور میرے ملک میں احمق بغل کے بالوں کی بات کررہے ہیں۔ یہ ظاہر کرتا ہے کہ ہم ایک ملک کے طور پر کہاں ہیں اور ہماری ثقافت حیران کن ہے‘۔
وسیم اکرم ایک شاندار کمنٹیٹر اور کوچ ہیں۔ وہ پی ایس ایل میں ٹیموں کی کوچنگ بھی کرتے ہیں۔ وسیم اکرم اور شنیرا اکرم کی شادی 2013 میں ہوئی اور ان کی ایک پیاری بیٹی عائلہ ہے۔
