کراچی میں نگراں وزیر داخلہ سندھ حارث نواز کے احکامات کی دھجیاں اُڑا دی گئیں، غیرقانونی سرگرمیوں کے خلاف سخت ایکشن کی ہدایت کے باوجود گلستان جوہر کے ایک چائے خانے میں شیشہ دستیاب ہے۔
نوجوانوں کے شیشہ پینے کی فوٹیج آج نیوز نے حاصل کرلی۔
فوٹیج میں دیکھا جاسکتا ہے گلستان جوہر منور چورنگی پر واقع ”چائے بیٹھک“ نامی کیفے پر لوگ کھلے عام شیشہ پی رہے ہیں۔
اس حوالے سے شارع فیصل اور گلستان جوہر پولیس مکمل طور پر خاموش ہے اور کسی بھی قسم کی کارروائی کرنے سے گریزاں ہے۔
ذرائع کا کہنا ہے کہ گلستان جوہر میں متعدد شیشہ کیفے پولیس کی سرپرستی میں چلائے جاتے ہیں۔
