تحریک انصاف کے رہنما شاہ محمود قریشی نے الیکشن ٹریبونل سے نا اہلی کے فیصلے کو لاہور ہائی کورٹ کے لارجر بینچ میں چیلنج کرنے کا فیصلہ کیا ہے۔
تحریک انصاف کے سابق وائس چیئرمین شاہ محمود قریشی کے ملتان سے کاغذات نامزدگی مسترد کردیے گئے تھے، جس کے بعد وہ الیکشن لڑنے کے لیے نااہل قرار دے دیے گئے۔ تاہم اب انہوں نے ٹریبونل کے فیصلے کو لاہور ہائی کورٹ کے لارجر بینچ میں چیلنج کرنے کا فیصلہ کیا ہے۔
ذرائع کا کہنا ہے کہ شاہ محمود قریشی کے وکلا نےٹریبونل کے فیصلے کو چیلنج کرنے کی تیاریاں شروع کردی ہیں۔
واضح رہے کہ شاہ محمود قریشی نے این اے 150، 151 اور پی پی 218 اور 219 سے کاغذات نامزدگی جمع کرائے تھے، اور ٹریبونل نے ان کے زائدالمعیاد اسٹام جمع کروانے پر اپیل مسترد کی تھی۔
اسد قیصر، زرتاج گل، دستی سمیت پی ٹی آئی رہنماؤں کے کاغذات منظور، قریشی نااہل قرار
توہین الیکشن کمیشن کیس: بانی پی ٹی آئی کی کمیشن ارکان کو سنگین دھمکیاں
ایپلٹ ٹریبونل کے جج جسٹس محمد سرفراز ڈوگر نے فیصلہ سنایا تھا جس میں کہا گیا تھا کہ شاہ محمود قریشی کے کاغذات نامزدگی بیان حلفی پر اصل دستخط نہ ہونے کے باعث مسترد کردیے گئے ہیں۔
