گزشتہ روز اسلام آباد میں قتل کیے گئے سنی علما کونسل پاکستان کے مرکزی ڈپٹی جنرل سیکرٹری علامہ مسعود الرحمان عثمانی پر حملے کی سی سی ٹی وی فوٹیج منظر عام پر آگئی ہے۔
سی سی ٹی وی فوٹیج کے مطابق مولانا مسعود الرحمان کی گاڑی غوری ٹاؤن سے گزر رہی تھی کہ دو موٹر سائیکل سوار آئے اور ان کی گاڑی پر فائرنگ کردی۔
فوٹیج میں دیکھا جاسکتا ہے کہ فائرنگ کے بعد ملزمان موقع سے آسانی سے فرار ہوگئے۔
پولیس ذرائع کے مطابق مولانا مسعود الرحمان عثمانی کی گاڑی پر نامعلوم موٹرسائیکل سواروں نے فائرنگ کی تھی، جس کے نتیجے میں زخمی ہوگئے تھے، انہیں طبی امداد کے لیے اسپتال منتقل کیا گیا تھا تاہم وہ جانبر نہ ہوسکے۔
