خواتین اپنی خوبصورتی کو لے کر کچھ زیادہ ہی حساس ہوتی ہیں، اس لیے ان کی ہر ممکن کوشش ہوتی ہے کہ وہ اپنا بھرپور خیال رکھیں۔
چہرے پر غیر ضروری بالوں کی موجودگی خواتین کی خوبصورتی میں خلل ڈالتی ہے، جس سے چھٹکارا حاصل کرنے کیلئے خواتین ویکسنگ کرواتی ہیں۔
ویکسنگ ایک تکلیف دہ عمل ہے جو چہرے کی جلد کو نقصان بھی پہنچاتا ہے۔ خواتین اس مسئلے سے بچنے کیلئے لیزرتھراپی پر خطیر رقم کرچ کردیتی ہیں۔
خواتین کے چہرے پر اضافی بال دراصل ہارمونز کا مسئلہ ہوتا ہے۔ خواتین ذیل میں بتائے گئے ٹوٹکے کی مدد سے گھر بیٹھے ہی ان سے چھٹکارا حاصل کرسکتی ہیں۔
اس کیلئے 2 چمچ چینی میں 1 چمچ لیموں کا رس شامل کریں، اُبال آنے تک اس کو پکائیں۔ جب یہ گاڑھا ہوجائے تو چولہا بند کردیں۔
ٹھنڈا ہونے پر اسے اپنے چہرے پر لگائیں، 20 سے 25 منٹ کے بعد اپنے ہاتھوں سے سرکلر موشن میں مساج کریں اور منہ دھو لیں۔
چینی چہرے پر ایکسفولی ایشن کا کام کرے گی جبکہ لیموں کا رس بلیچنگ کے طور پر کام کرے گا۔ لیموں جلد کو نکھارنے میں بھی مدد کرے گا۔
