پاکستان تحریک انصاف (پی ٹی آئی) کے وکیل لطیف کھوسہ کا کہنا ہے کہ ہمیں بلے کا نشان ملے یا نہ ملے، پی ٹی آئی ایک ہی نشان پر الیکشن لڑے گی۔
راولپنڈی میں میڈیا سے گفتگو کرتے ہوئے لطیف کھوسہ نے کہا کہ پی ٹی آئی قوم کی خدمت کیلئے کوشاں ہے، کل سپریم کورٹ میں الیکشن کمیشن کا رویہ دنیا کے سامنے رکھا۔
لطیف کھوسہ نے کہا کہ یہ لوگ پی ٹی آئی کا مقابلہ نہیں کرسکتے، الیکشن کمیشن پی ڈی ایم کیلئے سہولت کاری کررہا ہے۔
ان کا کہنا تھا کہ القادر ٹرسٹ اور توشہ خانہ کیس میں کوئی شواہد نہیں۔
انہوں نے کہا کہ میرے بیٹے کو بھی گرفتار کیا گیا تھا۔
پی ٹی آئی رہنما نے کہا کہ 190 ملین پاؤنڈ کیس سے بانی پی ٹی آئی کا کوئی لینا دینا نہیں۔
