پاکستان گلوکاری کے مقبول نام حدیقہ کیانی اور عاطف اسلم کی وائرل ویڈیو نے سوشل میڈیا پر دھوم مچادی۔
گلوکارہ و اداکارہ حدیقہ کیانی نے اپنے سوشل میڈیا اکاؤنٹ انسٹاگرام پر ایک ویڈیو شیئر کی ہے جس میں ان کو عاطف اسلم کے ساتھ گانا گاتے ہوئے دیکھا جاسکتا ہے۔
ویڈیو میں حدیقہ کیانی اور عاطف اسلم اپنا 12 سال قبل شہرت کی بلندیوں کو چھونے والا گانا ’ہونا تھا پیار‘ گارہے ہیں۔
ویڈیو میں دونوں گلوکار ایک کنسرٹ کے دوران اسٹیج پر پرفارمنس سے اپنی آواز کا جادو بکھیر رہے ہیں۔
کنسرٹ میں سفید پشواس زیب تن کیے حدیقہ کیانی اورسیاہ شرٹ اور پینٹ کے ساتھ جیکٹ پہنے عاطف اسلم کی گائیکی نے وہاں موجود شائقین کو خاصا محظوظ کیا۔
موسیقی کے شوقین افراد نے اپنے تبصروں میں اس ویڈیو کو ’ری یونین‘ کہہ ڈالا۔
واضح رہے کہ یہ مقبول گانا ’ہونا تھا پیار‘ شعیب منصور کی ڈائریکشن میں بننے والی پاکستانی فلم ’بول‘ کا گانا تھا جسے حدیقہ کیانی اور عاطف اسلم نے گایا تھا۔
