مسلم لیگ (ن) کے سینئر رہنما اور سابق وفاقی وزیر خزانہ سرتاج عزیز کی نماز جنازہ ادا کردی گئی، مرحوم کی تدفین اسلام آباد کے ایچ 8 قبرستان میں کی گئی۔
تحریک پاکستان کے کارکن، بزرگ سیاستدان وسابق وفاقی وزیرسرتاج عزیزکی تدفین اسلام آباد میں کردی گئی، نماز جنازہ ایچ ایٹ قبرستان میں ادا کی گئی۔
نمازجنازہ میں سرتاج عزیزکے اہل خانہ، عزیز و اقارب کے علاوہ سیاستدانوں و سیاسی کارکنوں اور سفارتکاروں کی بڑی تعداد شریک ہوئی۔
نمازجنازہ میں شرکت کرنے والوں میں مسلم لیگ ن کے چیرمین راجہ ظفر الحق، سابق وزیر اعظم شاہد خاقان عباسی، ڈاکٹر طارق فضل، فرحت اللہ بابر، اعجازالحق، سردار مہتاب خان، لیفٹیننٹ جنرل ریٹائرڈ عبدالقیوم بھی شامل تھے۔
سابق وفاقی وزیر سرتاج عزیز مرحوم کی رسم قل اور دعا کل 3 بجے چک شہزاد فارم ہاوس پر ہوگی۔
واضح رہے کہ سابق وفاقی وزیر خزانہ اور مشیر خارجہ سرتاج عزیز 95 برس کی عمر میں انتقال کرگئے، ان کے انتقال کی تصدیق احسن اقبال نے دی تھی۔
