بالی ووڈ کے سُپر اسٹار شاہ رخ خان نے ایک ہی سال میں 2500 کروڑ کمانے کا منفرد اعزاز اپنے نام کرلیا۔
بھارتی میڈیا کے مطابق سال 2023 میں شاہ رخ خان کی تین بلاک بسٹر فلمیں ان کیلئے خوش قسمتی کا ضامن ثابت ہوئی ہیں۔
سال 2023 میں کنگ خان نے پٹھان، جوان اور ڈنکی میں اپنی شاندار اداکاری سے مداحوں کو محظوظ کیا تھا۔
ان کی تینوں فلموں نے اپنی ریلیز کے بعد ہی سے ریکارڈ توڑ بزنس کرتے ہوئے باکس آفس پر خوب کمائی حاصل کی تھی۔
بھارتی میڈیا کے مطابق شاہ رخ خان کے سال 2023 کا اختتام فلم ’ڈنکی‘ سے ہوا تھا جو 21 دسمبر کو سینما گھروں میں ریلیز کی گئی تھی۔
مجموعی طور پر شاہ رخ کی فلموں نے سال 2023 میں 2 ہزار 500 کروڑ کا بزنس کیا تھا۔
