شاہ لطیف ٹاون میں 2 مبینہ ڈاکوؤں کو عوام نے شدید تشدد کا نشانہ بنایا، ملزمان زخمی حالت میں جناح اسپتال منتقل کردیے گئے ہیں۔

کراچی کے علاقے شاہ لطیف ٹاؤن میں2م بینہ ڈاکو عوام کے ہتھے چڑھ گئے، اور عوام نے دونوں ڈاکوؤں کو شدید تشدد کا نشانہ بنا ڈالا۔

واقعے کی اطلاع ملتے ہی پولیس موقع پر پہنچ گئی اور مبینہ ملزمان کو عوام کے چنگل سے چھڑا کر جناح اسپتال منتقل کردیا، جہاں ان کی شناخت مقصود اور جمال کے نام سے ہوئی ہے۔

پولیس حکام کا کہنا ہے کہ ملزمان کا کرمنل ریکارڈ حاصل کیا جارہا ہے۔