جہاں کھانا انسانی جسم کیلئے ضروری ہے تو وہیں سلاد کو بھی انسانی جسم کیلئے ضروری غذا تصور کیا جاتا ہے۔
قدرت نے سالاد میں ضروری غذائی اجزا پوشیدہ رکھے ہیں جو انسانی جسم کو تقویت دیتے ہیں۔ سلاد کے پتوں کو سوپ، سینڈوچ اور دیگر چیزوں میں بھی استعمال کیا جاتا ہے۔
یہ زیادہ تر یورپ اور امریکہ میں کھائے جاتے ہیں، سلاد کے پتوں میں موجود غذائی اجزا انسانی جسم کو یہ فوائد فراہم کرتے ہیں۔
انسانی جسم کیلئے ضروری ہے کہ وہ ہائیڈیٹ رہے، سالاد کے پتوں میں پانی کی مقدار زیادہ ہوتی ہے۔
سلاد کے پتوں میں 96 فیصد پانی ہوتا ہے جو وزن میں کمی میں خاصا مددگار ثابت ہوسکتا ہے۔
سلاد میں پایا جانے والا ’وٹامن کے‘ مضبوط ہڈیوں کیلئے اہم وٹامن ہے۔ غذا میں سلاد کے پتوں کا استعمال ہڈیوں کو مزید مضبوط بنا سکتا ہے۔
انسانی جسم غذا کی صورت میں لیے جانے والے اسٹارچ کو انزائمز کے ذریعہ گلوکوز میں تقسیم کرتا ہے۔
جس سے خون میں شوگر کی سطح میں اضافہ ہوتا ہے اور سلاد کے پتوں کو کھانے سے ان انزائمز کو کام کرنے سے روکا جاسکتا ہے۔
ان پتوں میں موجود یہ غذائی اجزا خون میں شوگر کی سطح کو کم کرنے کی صلاحیت رکھتے ہیں۔
سلاد کے پتے جگر کے انزائم کی سطح کو بڑھاتے ہوئے جگر کے افعال کو بہتر کرتے ہیں۔ یہ جگر کی بیماریوں کے امکانات کو کم کرتے ہیں۔
سلاد کے پتوں میں پائے جانے والے اینٹی آکسیڈنٹس انسانی جسم کو غیر مستحکم فری ریڈیکلز سے پیدا ہونے والے نقصانات سے بچاتے ہیں۔
