آسٹریلیا جا کر ایک بھی میچ نہ کھیلنے والے پاکستان کرکٹ ٹیم کے لیگ اسپنر ابرار احمد نیوزی لینڈ کے خلاف ٹی 20 سیریز سے بھی باہر ہوگئے۔
اسپن بولر ابرار احمد آسٹریلیا کے خلاف سڈنی ٹیسٹ کے بعد نیوزی لینڈ کے خلاف کھیلی جانے والی ٹی 20 سیریز سے بھی باہر ہوگئے۔
ابرار احمد اب آسٹریلیا سیریز کے بعد وطن واپس آئیں گے، لیگ اسپنر پاؤں کی تکلیف کے باعث آسٹریلیا کے خلاف تینوں ٹیسٹ نہیں کھیل سکے۔
پاکستان کرکٹ بورڈ (پی سی بی) کی سلیکشن کمیٹی کے سربراہ وہاب ریاض نے ابرار احمد کے حوالے سے تصدیق کردی۔
چیف سلیکٹر وہاب ریاض نے ایک انٹرویو میں انکشاف کیا کہ ابرار احمد تاحال مکمل فٹ نہیں ہوسکے، وہ آسٹریلیا سے ہی وطن واپس آ جائیں گے۔
واضح رہے کہ ابرار احمد کو دائیں پیر میں تکلیف آسٹریلیا کے خلاف باقاعدہ ٹیسٹ سیریز شروع ہونے سے قبل پرائم منسٹر الیون کے خلاف 4 روزہ پریکٹس میچ کے تیسرے دن 8 اوورز کرانے کے بعد ہوئی تھی جس کے سبب انہیں میدان سے باہر جانا پڑا تھا۔
دورہ نیوزی لینڈ: قومی ٹی 20 ٹیم کے کھلاڑیوں نے تیاری کا آغازکردیا
میلبرن ٹیسٹ میں پاکستان کو شکست، آسٹریلیا کو سیریز میں فیصلہ کن برتریحاصل
