پاکستان تحریک انصاف نے برطانوی نمبر سے نیا واٹس ایپ اکائونٹ بنالیا ہے۔

اس نئے واٹس ایپ کائونٹ کے ذریعے قبل از انتخابات دھاندلی کا سراغ لگانے کی خاطر متعلقہ تصاویر اور وڈیوز جمع کی جائیں گی۔

پی ٹی آئی کی سوشل میڈیا ٹیم نے انتخابات سے متعلق بے قاعدگیاں قومی اور بین الاقوامی سطح پر بے نقاب کرنے کی تیاری کی ہے۔

پارٹی کے حامیوں سے کہا ہے کہ وہ برطانیہ میں رجسٹر کیے جانے والے اس واٹس ایپ نمبر پر ”پری پول رگنگ“ سے متعلق تصاویر اور وڈیوز شیئر کریں۔

پی ٹی آئی کے حامیوں سے یہ بھی کہا گیا ہے کہ وہ کسی بھی حلقے میں انتخابی انتظامات سے متعلق کوئی ایسی بے قاعدگی اور بے ضابطگی دیکھیں جو پری پول رگنگ جیسی دکھائی دے تو تو اسے دیے ہوئے نمبر پر شیئر کریں۔

پی ٹی آئی نے لوگوں پر 5 جنوری تک پارٹی کی رکنیت کے لیے رجسٹریشن کرانے پر بھی زور دیا ہے۔