قدرت نے تقریباً ہر موسمی پھل و سبزی میں ضروری غذائی اجزا پوشیدہ رکھے ہیں۔ یہ غذائی اجزا انسانی صحت کیلئے اہم ہوتے ہیں۔
موسمِ سرما میں ’شلجم‘ ایک مقبول سبزی ہے جو سب ہی کی پسندیدہ ہے۔ قدرت نے نہ صرف شلجم بلکہ اس کے پتوں میں بھی غذائیت رکھی ہے۔
سردیوں میں شلجم کا استعمال انسانی جسم کو یہ فوائد پہنچاتا ہے۔
شلجم وٹامن سی اور گلوکوسینولیٹ سے بھرپور ہوتے ہیں۔ یہ دونوں انسانی جسم میں کینسر کے خلیات کی نشوونما کو روکنے میں مدد کرتے ہیں۔
اپنی غذا میں شلجم شامل کرنے سے خون میں شکر کی سطح کو کم کرنے اور انسولین کی پیداوار میں اضافہ کرنے میں مدد ملتی ہے۔
شلجم میں موجود انتھوکائنین اور سلفر مرکبات جگر کے زہریلے پن کو کم کرنے میں مددگار ثابت ہوتے ہیں۔
چونکہ شلجم میں کیلوریزاورگلائسیمک انڈیکس کم ہوتے ہیں لہٰذا اسے اپنی غذا کا حصہ بنانا وزن کو برقرار رکھنے اور کم کرنے میں مدد کرسکتا ہے۔
شلجم میں موجود وٹامن کے ہڈیوں کیلئے اہم ترین وٹامن ہے۔ اپنی غذا میں شلجم کا استعمال ہڈیوں کی صحت پر مثبت اثر ڈالتا ہے۔
آئرن انسانی صحت کیلئے غذا کا ایک اہم حصہ ہے اور باقاعدگی سے شلجم کا استعمال جسم میں آئرن جذب کرنے کی صلاحیت کو بہتر بنانے میں مدد کرتا ہے۔
