فیڈرل بورڈ آف ریونیو (ایف بی آر) نے انتقال کرجانے والوں کو ٹیکس وصولی کا نوٹس جاری کردیا۔
ایف بی آر کا نیا کارنامہ سامنے آگیا، انتقال کرجانے والوں کو ٹیکس وصولی کا نوٹس جاری کردیا گیا.
اس معاملے پر پاکستان ٹیکس بار ایسوسی ایشن کے صدر انور کاشف ممتاز نے چیئرمین ایف بی آر کو خط لکھ دیا، جس میں انہوں نے ایف بی آر کے فرسودہ ڈیٹا بیس پر توجہ دلائی۔
خط کے متن میں کہا گیاکہ ٹیکس کے نوٹسز کا اجراء سسٹم میں ڈیٹا کو اپ ڈیٹ کیے بغیر کیا گیا، انتقال کر جانے والے افراد کو بھی ٹیکس وصولی کا نوٹس جاری ہوا، نوٹس کا اجراء لواحقین کے لیے باعث پریشانی بنا ہوا ہے۔
