کراچی میں تین ہٹی پر پانی و بجلی کی عدم فراہمی پر احتجاج کے دوران ٹریفک جام سے مسافروں کو مشکلات سامنا کرنا پڑا۔

تین ہٹی کے رہائشی پانی اور بجلی کی عدم فراہمی پر سڑکوں پر آگئے۔

شہریوں کا کہنا تھا کہ گھر میں چھوٹے بچے بھی ہیں بجلی اور پانی کی بندش سے مشکلات کا سامنا ہے۔

احتجاج کے باعث تین ہٹی کے اطراف کی سڑکوں پر ٹریفک جام ہوا، جس سے مسافروں کو گھروں میں جانے میں پریشانی کا سامنا رہا۔

دوسری طرف کورنگی چمڑا چورنگی پر بھی احتجاج سے ٹریفک کے مسائل پیدا ہوئے۔

پولیس کے مطابق ٹریفک کو گودام چورنگی سے کورنگی نمبر 5 موڑ دیا گیا۔