پاکستان مسلم لیگ (ن) کے رہنما طلال چوہدری نے کہا ہے کہ ہم بلے کے نشان اور بلے والے سے نہیں ڈرتے۔

تحریک انصاف کو ہدف تنقید بناتے ہوئے طلال چوہدری نے کہا کہ الیکشن کو پی ٹی آئی کے جھوٹے بیانیے سے خطرہ ہے، پی ٹی آئی کی درخواستیں الیکشن میں تاخیر کا باعث بن سکتی ہیں۔

انھوں نے کہا کہ ہمیں بلے کے نشان سے کوئی خوف نہیں ہے، ہم اس وقت بھی نہیں ڈرے جب اسے مسلط کیا جارہا تھا۔

مسلم لیگ ن کے رہنماء طلال چوہدری نے کہا کہ فارن فنڈنگ ہوئی لیکن قانون اتنا کمزور ہے کہ اسے سزا نہیں دی گئی۔