کراچی میں ماڑی پورپانچ سو کوارٹرز کے مکین بجلی کی عدم فراہمی پر سڑکوں پر آگئے، مظاہرین نے ہاکس بے روڈ بند کردیا۔

مظاہرین کی جانب سے ہاکس بے روڈ کو بند کرنے کی وجہ سے ٹرک اسٹینڈ کو جانے والی سٹرک پر ٹریفک معطل ہوگیا۔

شہریوں کا کہنا ہے کہ گزشتہ 7 روز سے بجلی بند ہے، جس کی وجہ سے شدید مشکلات کا سامنا ہے۔

احتجاج کے شرکاء کا کہنا تھا کہ ادائیگی کے باوجود بجلی بند کی گئی ہے، بجلی کی بحالی تک حتجاج جاری رہے گا۔