ایبٹ آباد میں تھانہ مانگل کی حدود تریڑی میں مکان میں آتشزدگی کا واقعہ پیش آیا ہے۔
ایبٹ آباد کے دور افتادہ پہاڑی علاقے تریڑی میں شاٹ سرکٹ کے باعث لگنے والی آگ کے باعث مکان کی چھت گر گئی ،جس کے نتیجے میں نو افراد ملبے تلے دب گئے۔
جاں بحق افراد میں بچے اور خواتین میں شامل ہیں۔
انتظامیہ کے مطابق ذاکرعباسی نامی شخص کے کچے مکان کی تعمیر میں لکڑی زیادہ استعمال کی گئی تھی، جس کی وجہ سے آگ نے دیکھتے ہی دیکھتے پورے مکان کو اپنی لپیٹ میں لے لیا۔
مزید پڑھیں: بدین میں ڈمپر اور سوزوکی پک اپ میں تصادم، 4 افراد جاں بحق، 3 زخمی
انتظامیہ کے مطابق مرنے والوں میں ماں، چار بیٹے اور چار بیٹیاں شامل ہیں، تمام افراد کی لاشیں نکال لی گئیں۔
پورا خاندان ایک ساتھ اجڑنے کی وجہ سے ہر آنکھ پرنم ہ،ے پورا علاقہ سوگوار ہے۔
مارے جانے والوں میں سب سے بڑی بچی کی عمر 25 سال اور چھوٹے بچے کی عمر 9 ماہ ہے۔
ذرائع کے مطابق مالک مکان روزگار کے سلسلے میں کراچی میں مقیم ہے۔
