جمعیت علمائے اسلام (جے یو آئی - ایف) نے عام انتخابات 2024 کے لیے ابی این پی کے سربراہ اور سابق وزیراعلیٰ بلوچستان اختر مینگل کو اپنا امیدوار بنا لیا۔

سردار اختر مینگل اور جے یو آئی کے مرکزی سرپرست مولانا قمرالدین نے خضدار میں مشترکہ پریس کانفرنس کرتے ہوئے سیٹ ایڈجسٹمنٹ کا اعلان کیا۔

دونوں رہنماؤں نے پریس کافرنس میں اعلان کیا کہ این اے 256 سے سردار اختر مینگل جے یو آئی اور بی این پی کے مشترکہ امیدوار ہوں گے جب کہ پی بی 18 سے بی این پی جے یو آئی کی حمایت کرے گی جس کے امیدوار غلام سرور ہوں گے۔

یہ بھی پڑھیں:

پی ٹی آئی کے علاوہ کونسی جماعتیں اپنا انتخابی نشان کھو چکی ہیں؟

الیکشن کمیشن نے امیدواروں کو تشہیری ہورڈنگز اتوار تک ہٹانے کی ڈیڈلائن دے دی

پی بی 19 سے بی این پی جے یو آئی کی حمایت کرے گی جس کے امیدوار میریونس عزیز زہری ہوں گے جب کہ پی بی 20 سے جمعیت علمائے اسلام بلوچ نیشنل پارٹی امیدوار اختر مینگل کی حمایت کریں گے۔