جماعت اسلامی کے امیر سراج الحق کا کہنا ہے کہ امن و امان کا بہانہ بنا کر الیکشن ملتوی کرنا مناسب نہیں، افغانستان کی موجودہ انتظامیہ پاکستان کے ساتھ اچھے تعلقات چاہتی ہے، ہمیں اپنے گریبان میں جھانکنا چاہیئے اور انڈیا کو کھبی یہ موقع نہیں دینا چاہیے کہ وہ افغانستان کو مورچے کے طور پر استعمال کر سکے۔
امیرجماعت اسلامی سراج الحق نے لوئردیر میں قومی اسمبلی کے حلقہ این اے 7 سے کاغذات نامزدگی جمع کرا دیے۔
اس موقع پر میڈیا سے بات کرتے ہوئے سراج الحق کا کہنا تھا کہ 8 فروری کا الیکشن آئین کا تقاضا ہے، کسی کے پاس الیکشن کروانے کے علاوہ کوئی راستہ نہیں، کچھ لوگ شکوک وشبہات پیدا کر رہے ہیں جس کی اب گنجائش نہیں، امن و امان کا مسئلہ آج کا نہیں، امن وامان کا بہانہ بنا کر الیکشن ملتوی کرنا مناسب نہیں، امن کی بحالی کے لیے شفاف الیکشن کی ضرورت ہے۔
افغانستان کی موجودہ انتظامیہ پاکستان کے ساتھ اچھے تعلقات چاہتی ہے، ایک قوم کو ہم نے 40 سال سپورٹ کیا اور اب جب وہ کامیاب ہوئے تو تعلقات خراب ہو گئے، ہمیں اپنے گریبان میں جھانکنا چاہیئے اور انڈیا کو کھبی یہ موقع نہیں دینا چاہیئے کہ وہ افغانستان کو مورچے کے طور پر استعمال کر سکے،
الیکشن کمشنر اپنے حلف کے تقاضوں کو پوارا کریں اور تمام سیاسی جماعتوں کو ایک جیسا ماحول دے، الیکشن پر بیرونی عناصر اثر انداز نہ ہوں، 8 فروری کا الیکشن اس صورت میں قابل قبول ہو گا کہ جب لوگوں کویقین ہو جائے کہ یہ صاف شفاف الیکشن ہے۔
پہلے روز سے لوگ شکوک شبہات کا اظہار کرتے ہیں جس کی وجہ سے مضبوط حکومت نہیں بنتی، جماعت اسلامی 76 سالوں سے نافذ نظام کو تبدیل کرے گی۔
کاغذات نامزدگی جمع کرانے کی تاریخ میں 2 روز کی توسیع، ملک کے نامورسیاستدان میدان میں
الیکشن کمیشن نے امیدواروں کو تشہیری ہورڈنگز اتوار تک ہٹانے کی ڈیڈلائن دے دی
لیول پلیئنگ فیلڈ ہر الیکشن کمیشن پی ٹی آئی شکایات کا الزالہ کرے،سپریم کورٹ
