کراچی میں ایف آئی اے کمرشل بینکنگ سرکل نے کارروائی کرتے ہوئے 2 کروڑ 45 لاکھ روپےکا غبن کرنے والا ملزم گرفتار کرلیا۔

ترجمان ایف آئی اے کے مطابق بینکنگ فراڈ میں ملوث اشتہاری ملزم عبدالمجید کو لی مارکیٹ سے گرفتار کیا گیا۔

ترجمان کے مطابق ملزم عبدالمجید کے خلاف 2014 میں مقدمہ درج ہوا تھا، ملزم نے نجی بینک سے 2 کروڑ 45 لاکھ روپے کا غبن کیا تھا۔

ایف آئی اے کے ترجمان نے مزید بتایا کہ ملزم گزشتہ 9 سال سے روپوش تھا۔