پاکستان شوبزانڈسٹری کی مقبول ماڈل و اداکارہ صحیفہ جبارنے شادی سے قبل اپنے بوائے فرینڈزسے متعلق بتاتے ہوئے کہا ہے کہ وہ ان کی شادیوں میں بھی گئیں۔
صحیفہ نے معروف یوٹیوبر شاہ ویر جعفری کے ایک پوڈکاسٹ شو میں شرکت کی جہاں انہوں نے شادی سے قبل اپنے دوستانہ تعلقات سے متعلق کُھل کر بات کی۔
اداکارہ نے انکشاف کیا کہ شادی سے قبل وہ اپنے شوہر کے کلاس فیلو کے ساتھ تعلقات میں تھیں لیکن بعد میں ان دونوں میں علیحدگی ہوگئی تھی۔
صحیفہ جبار نے اس حوالے سے کہا کہ ’میں شادی سے پہلے اپنے شوہر کے کلاس فیلو کو ڈیٹ کررہی تھی لیکن اُس شخص نے میرے ساتھ بے وفائی کی، مجھے دھوکہ دیا اور میں ایک سال تک غم میں رہی‘۔
اُنہوں نے شادی سے قبل دوستانہ تعلقات کے حوالے سے گفتگو کرتے ہوئے کہا کہ ’شادی سے پہلے میرے کئی بوائے فرینڈز تھے، میرے تمام سابق بوائے فرینڈز نے میری شادی کے بعد شادیاں کیں اور میں نے اپنے ہرسابق بوائے فرینڈ کی شادی میں شرکت کی لیکن میری شادی میں میرے کسی بھی سابق بوائے فرینڈ نے شرکت نہیں کی تھی‘۔
صحیفہ جبار نے کہا کہ ’میں اپنے تمام سابق بوائے فرینڈز کی بیویوں سے زیادہ خوبصورت ہوں اور میں سب کی شادیوں میں اچھے سے تیار ہوکرگئی تھی‘۔
اداکارہ نے مزید کہا کہ ’ایک بار، میں نے اپنے سابق بوائے فرینڈ کی شادی پر جاکر اُسے گلے لگا کر شادی کی مبارکباد دی اور اُس شادی کے لیے میری ٹیم نے مجھے تیار کرکے بھیجا تھا‘۔
صحیفہ جبار خٹک دسمبر 2017 کو اپنے دیرینہ دوست خواجہ خضر حسین کے ساتھ رشتہ ازدواج میں بندھی تھیں۔
