کراچی میں بجلی اور گیس کی بندش کے خلاف تین ہٹی اور جمشید روڈ پر عوام سڑکوں پر آگئے۔ جس سے بدترین ٹریفک جام ہوگیا۔

تین ہٹی روڈ پرعلاقہ مکینوں نے کےالیکٹرک کےخلاف احتجاج کرتے ہوئے رکاوٹیں لگا کر سڑک ٹریفک کیلئے بند کی۔ سڑک بلاک ہونے کے باعث ٹریفک کی روانی شدید متاثر ہوئی۔

جمشید روڈ پر بجلی اور گیس کی عدم فراہمی کےخلاف احتجاج کے دوران مظاہرین نے جمشید روڈ کے دونوں ٹریک بلاک کردیئے۔

مظاہرین کا کہنا ہے کہ 4 روز سے علاقے کی بجلی منقطع ہے، بل ادا کرنے کے باوجود بجلی بحال نہیں کی گئی۔

علاقہ مکینوں کا کہنا ہے کہ بجلی کی بحالی تک احتجاج جاری رہے گا۔