کراچی میں سپر ہائی وے پر احتجاج کرنے والے مظاہرین سے پولیس کے مذاکرات کامیاب ہوگئے، جس کے بعد شرکاء نے ٹریک کو کھول دیا اور ٹریفک بحال ہوگئی۔

سپر ہائی وے ایم نائن موٹر پر بجلی کی بندش کے خلاف احتجاج کے دوران مشتعل مظاہرین نے سپر ہائی وے کا ایک ٹریک ٹریفک کے لئے بند کیا تھا۔ جس سے گاڑیوں کی طویل قطاریں لگ گئی تھیں۔

مظاہرین کا کہنا تھا کہ بھاری بھرکم بل ادا کرتے ہیں لیکن پھر بھی بجلی بند کی جارہی ہے، ہمیں بجلی فراہم کی جائے۔

سپر ہائی وے ایم نائن پر ٹریفک جام ہونے کے بعد پولیس حرکت میں آئی اور مظاہرین سے مذاکرات کیے، پولیس کے مطابق احتجاج کے شرکاء نے مظاہرہ ختم کیا اور ٹریفک کی روانی بحال کردی گئی۔