پاکستان کی مقبول نوجوان اداکارہ یمنیٰ زیدی کی آنے والی فلم’ نایاب’ کا گانا ’مینٹل سا دل‘ ریلیز کے فوراً بعد ہی مقبول ہوگیا۔
گزشتہ روز ان کی فلم کا پہلا گانا ’مینٹل سا دل‘ ریلیز کیا گیا ہے۔ یمنیٰ اور ساتھی اداکار اسامہ خان کی جوڑی کو مداحوں نے خوب پسند کیا۔
یمنیٰ اوراسامہ کی کیمسٹری دیکھ کر فالوورز اندازہ لگا رہے ہیں کہ فلم میں دونوں کو شاندارانداز میں دِکھایا گیا ہے۔
گانے کو شانی حیدر نے کمپوز کیا اور گایا بھی انہوں نے ہی ہے۔’مینٹل سا دل‘ کے بول رضوان حسن نے لکھے ہیں۔
سوشل میڈیا صارفین نے گانے کو سراہتے ہوئے تعریفی تبصرے کیے۔
ایک صارف کو گلوکار شانی کی آواز خاصا پسند آئی۔
کچھ صارفین تو اس گانے کو ’وائب‘ کہہ رہے ہیں۔
خیال رہے کہ اسامہ خان اور یمنیٰ زیدی دونوں ہی اس فلم سے اپنا سلوراسکرین ڈیبیو کریں گے۔
